Non vou escribir das pésimas instalacións e do penoso mobiliario do Hospital Xeral de Lugo, que leva así moitísimos anos coa disculpa da próxima apertura do novo hospital, posta en servizo que segue retrasándose. Tampouco vai adicado este comentario á boa atención que presta ós pacientes e acompañántes a maior parte do persoal que traballa no Xeral.
Vou referirme á comida da cafetería do hospital lucense, onde hai un menú do día con dous platos e postre (ou café) por 6,25 euros (0,50 máis polo pan). Pódese elexir entre dous primeiros e outros tantos segundos.
Recementemente comemos dúas veces alí e comprobei que a relación calidade-prezo é moi boa. Un día comín macarróns con carne, pulpo con cachelos e pudin de froitas e o outro tomei menestra de verduras, milanesa con patacas fritas e flan. Gustoume todo e ademais as racións son abundantes.
Entón pregúntome o seguinte: ¿se na cafetería do Hospital Xeral de Lugo poden dar un menú así por 6,75 euros nos outros restaurantes estanse forrando ou que pasa?
Suscribirse a:
Enviar comentarios (Atom)
1 comentario:
Creo que este tipo de establecementos están algo subvencionados como ocorre coas cafeterias dos centros universitarios, por iso todo é mais barato.
Publicar un comentario