BESUGO NA DORADA

Un rico besugo ó forno foi o plato que eleximos na nosa penúltima cea no restaurante A Dorada do Cantábrico, de Ribadeo. Antes do besugo, de dimensións suficientes para dous e acompañado de patacas panadeira, tomamos unhas ameixas, tan ben preparadas como sempre na Dorada, aínda que na cociña non estaba Miguel, que foi quen nos suxeriu pedir besugo ese día.
A nosa era a única mesa ocupada nese momento, polo que tivemos a Gusi para nós en exclusiva e tratounos como noutras ocasións, perfectamente.