BOTANDO FUME

Está claro que o verán e o calor ás veces fan estragos. Onte estabamos nunha gasoliñeira na que había unha cola considerable e apareceu o listiño de turno que se colou. Alí había tres ou catro coches agardando e éste pasóunos por enriba, pero topou con outro conductor que se puxo a botar fume pola orellas..... chamóulle de todo menos bonito e de moi malas maneiras, e coma o rapaz non se daba por aludido atravesóulle o seu coche diante para impedirlle sair con normalidade da gasoliñeira. O que se colou tivo que subir pola beirarrúa para abandoar a estación de servizo vendo como o outro exaltado lle daba unhas patadas ao coche, despois peito contra peito, nariz contra nariz, "gallito" contra "gallito" voltaron sentir o calor do seus corpos moi preto, pero afortunadamente a sangue non chegou ao río, pero faltoulle moi, moi pouquiño. O caradura marchou e o exaltado pedíume disculpas porque esta historia non ía conmigo e guióume para maniobrar sen problemas. En resumo: pouca educación e algúns que encenden á primeira. Penso que hai que tomar a vida con máis tranquilidade, sobor de todo si estamos de vacacións, porque a todo esto varios nenos dun dos coches estaban presenciando o que estaba ocorrer. ¡Vaia exemplo!. E outra cousa, todo esto podería terse evitado con máis persoal na gasoliñeira nun domingo de agosto ás dúas da tarde xa que alí (que eu saiba) só había un traballador.