TRACA FINAL GASTRÓNOMICA

Na ponte que rematou onte (foi festivo en Ribadeo) fixemos unha gran traca final gastronómica. Xa contou algo Carmen, pero eu vou dar máis detalles para seguir adestrando e a ver si algún día chego a ser crítico gastronómico.
O venres despedímonos da Pipos (Benquerencia) que rematou a tempada e non abrirá, salvo gran sorpresa, ata o ano que ven. Ceamos ameixas (que as preparan impresionantes), anchoas e polo ó allo. De postre un riquísimo e potente queixo de Castela. Coma sempre, tratáronnos fenomenal, e ademais enterámonos que o cociñeiro e tamén un crack da albanelería e construiu el só unha casa en Piñeira (Ribadeo).
O sábado comemos na Casa do Merlo (San Miguel de Reinante) con Inma Valledor e Manuel Silveira e por fin logrei probar o "cochinillo" dese restaurante, que estaba espectacular. No seu punto de asado, para o meu gusto. Enterámonos que é un "sacrilexio", segundo nos dixo o camareiro, comer o cochiño asado con patacas fritas, polo que desistín da idea. Impresionantes, polo moito que picaban, estaban tamén os pimentos de Padrón que comemos de entrante, xunto con uns espárragos trigueros á plancha, que me encantaron.
E o domingo a xira gastronómica levounos á Taberna de Lola, en Remourelle (Ribadeo), onde tivemos unha comida familiar. Para empezar empanada de bonito e xamón (cortado sin piedade en grandes e grosos trozos). Despois un plato novo para min e para o resto dos comensais: pulpo con gambas e gulas, que picaba bastante pero estaba rico. Seguimos con caldeirada de rape ó alvariño, que estaba moi boa porque o peixe era fresquísimo. E, como estabamos repletos e non puidemos probar o cocido que nos ofreceu Lola, rematamos cun surtido de postres que levaba tarta de queixo, tarta de mazá, biscoito e requesón. A Taberna de Lola é un lugar ó que é difícil chegar se non coñeces a zona, pero cómese ben e abundante sen gastar moito diñeiro.
Por si fora pouco, o domingo ceamos no Tranvía (Ribadeo). Tortilla de patacas, ensalada mixta, croquetas de xamón, mexilóns recheos e táboa de embutidos e queixos foron as racións que compartimos. Todo estaba bon, aínda que a tortilla a min góstame máis pasada.
O luns, día da Patrona, tivemos outra comida familiar, neste caso na Dorada (Ribadeo) onde o menú consistiu en paté de marisco, pulpo á feira, calamares fritos, revolto de ajetes, trigueros e lagostinos e ternera asada. Foi superabundante e ben preparado, aínda que para min o mellor foi o pulpo.
E rematamos con unha cea no mesón Serra. Outra vez houbo pulpo, pero tamén chipiróns fritos e croquetas para empezar e churrasco de cocho e de ternera para rematar, porque xa non nos quedou sitio para postre. Estivo ben (sobre todo os primeiros e o churrasco de cocho) e saiunos a bon prezo.
Hoxe, martes, baixamos o ritmo gastronómico (estabamos a piques de reventar) e fixemos unha comida campestre a base de bocatas na beira da praia de Penarronda (Asturias), de onde saímos xusto antes de que empezara a chover.