OBRAS MOI LENTAS

Parece que as tartarugas son as que se están a encargar das obras de reforma da N-640 entre A Pontenova e Meira, máis ou menos. Xa informamos aquí hai bastante tempo do seu inicio, e como circulamos todas as semanas por esa estrada vemos e sofrimos a súa evolución. O vial está completamente destrozado en varios kilómetros porque parece que picaron o asfalto vello e entón sáltache a gravilla e as pedras que quedaron soltas e ademáis só asfaltaron de novo un pequeno tramiño en Santa Apolonia. As obras van moi lentas e a estrada é un perigo para a circulación no estado actual que presenta. Si alguén sofre un accidente ¿de quén será a culpa? Alguén debería tomar cartas no asunto e velar porque esas obras marchen a un ritmo normal, porque o que teñen na actualidade moi normal non é. Igual coa proximidade das eleccións autonómicas desde Madrid lle dan algún impulso. Xa o veremos nas vindeiras semanas.