Tiña gañas dende hai tempo de probar este novo establecemento de Lugo, que está en Pías, moi cerca do polígono industrial do Ceao, no local onde estivera Os Cabezudos. O Mesón da Pelusiña foi un dos premiados no concurso de tapas de Lugo do ano pasado e por iso quería ver o que se coce alí.
Estivemos ceando e gustounos, sobre todo o trato, pero tamén os chipiróns fritos rebozados con fariña de millo, as croquetas (das que estaba moi orgullosa a camareira-cociñeira) e os mexilóns recheos. De segundo, eu comín merluza, que para ser conxelada non estaba mal. Pero o mellor de todo foi o postre: unha impresionante tarta de chocolate con galleta.
Bebemos un viño da Ribeira Sacra (non lembro o nome), que estaba bon e a sangría da casa, que tamén nos gustou.
En definitiva, é un sitio interesante para ir de vez en cando, porque ten unha carta interesante, os prezos son asequibles, pódese aparcar o coche ó lado da porta e a camareira-cociñeira é moi agradable.
13/5/09
Suscribirse a:
Enviar comentarios (Atom)
No hay comentarios:
Publicar un comentario